Qazaqstandyq kásipker Talǵat Dúisekov Nur Otan partiiasyn qoldaýshylar ligasyna qosyldy jáne aldaǵy ýaqytta partiia praimerizine qatysýǵa nietti, dep habarlaidy QazAqparat.
«Partiiany qoldaýshylar ligasy –ártúrli saladaǵy qyzmet usynǵan adamdar. Bul tirkeý bastalǵanyn jariialaǵannan beri praimerizdiń ashyq, obektivti ótýin baqylaityn adamdar. Bul liga men úshin halyq pen partiia arasynda kópir ispetti», - deidi Talǵat Dúisekov.
Ol praimerizge kez kelgen adam qatysa alatyny qýantatynyn aitty.
«Ár adam baǵyn, kúshin synap, praimerizge qatysa alady. Bilik kóshbasshy partiia arqyly halyq únine qulaq túrgeni qandai jaqsy boldy. Mundai múmkindik - shynaiy demokratiiaǵa bir qadam jaqyndaý. Bilik partiiasy halyq partiiasyna ainalýy - tarihi qadam der edim. Praimerizde jeńgen adamdar halyqpen bir tolqynda bolyp, olardyń qalaýyna qulaq túredi dep oilaimyn. «Halyq únine qulaq túretin memleket« halyq tańdaýlylary arqyly júzege asady», - deidi ol.
Onyń aitýynsha, praimeriz qanshalyqty ashyq, ádil ótetindigi týraly másele talqylanǵan.
«Partiianyń birinshi orynbasary bári ádil, ashyq túrde ótetinine kózimizdi jetkizdi. Munyń bári praimerizdiń qorytyndysy shyqqan kezde belgili bolady. Men biznes ókilderi retinde dóńgelek ústelge qatystym. Qazaqstanda orta tapqa erekshe kóńil bólý kerek degen qorytyndyǵa keldim. Shaǵyn jáne orta biznesti damytý kerek», - deidi kásipker.
.jpeg)