©instagram/kris_p_talgar_2
Almaty oblysy Talǵar qalasyndaǵy №2 orta mekteptiń joǵary synyp oqýshylary arasyndaǵy tóbeleske qatysty jańa málimet belgili boldy, - dep habarlaidy Tengrinews.kz.
Oblystyq bilim basqarmasy basshysy Saltanat Besbaevanyń aitýynsha, mektep direktoryna, onyń orynbasaryna jáne synyp jetekshisine sógis jariialanǵan.
"Olar osy jaittardyń bárin eskerýi kerek edi. Ásirese, kanikýldan keiin: balalar til tabysa almai júr. Sol sebepti urys-keris boldy. Direktor, onyń orynbasary jáne synyp jetekshisi oqýshylarmen sóilesýi kerek", - dedi Saltanat Besbaeva.
Eske salaiyq, keshe eki joǵary synyp oqýshysy arasynda janjal shyǵyp, arty tóbeleske ulasqan. Saldarynan 2005 jyly týǵan oqýshylardyń biri dene jaraqatymen aýrýhanaǵa jetkizilgen.
Almaty oblysy Densaýlyq saqtaý basqarmasy baspasóz qyzmeti zardap shekken oqýshynyń jaǵdaiy týraly aityp berdi.
"2005 jyly týǵan naýqas 2022 jyldyń 15 qyrkúieginde saǵat 11.50-de travmatologiia bólimine jatqyzyldy. Diagnoz: jabyq bas-mi jaraqaty. Miy shaiqalǵan. Naýqas tekserildi, odan ári emdelý úshin travmatologiia bólimine jatqyzyldy", - dedi vedomsvto ókilderi.
