Foto: Almaty oblysy Politsiia departamenti
Almaty oblysynyń politsiiasy Talǵar aýrýhanasynyń dárigerlerin soqqyǵa jyqqan eki kúdiktini ustady. Olar ýaqytsha ustaý izoliatoryna qamaldy, dep habarlaidy "Ult aqparat" oblystyq PD baspasóz qyzmetine silteme jasap.
"19 qyrkúiek saǵat 10:35 shamasynda Talǵar aýdany PB-nyń kezekshi bólimine qalalyq aýrýhananyń 27 jastaǵy reanimatology men 21 jastaǵy meditsina qyzmetkerin belgisiz bireýler uryp-soqqany týraly habarlama kelip tústi.
Bul derek QR QK 106-babynyń 2-bóligi boiynsha aýdandyq politsiiada tirkeldi.
Jedel-izdestirý is-sharalary barysynda Talǵar aýdanynyń politsiia qyzmetkerleri 1987 jyly týǵan Sh. esimdi jáne 1994 jyly týǵan N. esimdi kúdikti tulǵalardy anyqtap, qolǵa túsirdi.
Qazirgi ýaqytta oqiǵanyń barlyq mán-jaiyn jan-jaqty, tolyq jáne obektivti zertteý úshin saraptamalyq tekserýler taǵaiyndalyp, tergeý is-sharalary júrgizilip jatyr" - dep jazdy Almaty oblystyq Politsiia departamentiniń basshysy Baýyrjan Álenov Instagram paraqshasynda.
Ózge aqparat QR QPK-niń 201-baby sheńberinde jariia etýge jatpaidy.
Ustalǵandar 20 qyrkúiekte ÝUI-ǵa qamalǵan. Sýret Almaty oblysynyń politsiia departamentinen alyndy.
