video kadry
Talǵarda soqqyǵa jyǵylǵan meditsina qyzmetkerleriniń jaǵdaiy belgili boldy, - dep habarlaidy Tengrinews.kz saity.
Aýrýhana ókilderiniń aitýynsha, soqqyǵa jyǵylǵan reanimatolog esin jiǵan, biraq bolashaqta oǵan ota jasaý qajet bolýy múmkin. Zardap shekken taǵy bir qyzmetkerge de hirýrgiialyq kómek kerek.
"Reanimatolog dárigerdiń kórý qabileti nasharlaǵan: sol jaq kózi nashar kóredi. Qadaǵalaimyz, múmkin kózine ota jasaý kerek. Taǵy bir qyzmetkerdiń murny synǵan. Jaǵdaiy turaqtalǵannan keiin oǵan jospar boiynsha ota jasalady", - dedi aǵa travmatolog Islambek Nurmahashev.
Ázirge reanimatolog pen reanimatsiia qyzmetkeriniń jaǵdaiy turaqty jáne aýyr dep baǵalanyp otyr.
"Olar travmatologiia bóliminde jatyr. Qazirgi ýaqytta qatty bas aýrýy, bas ainalýy mazalap tur", - dep qosty Nurmahashev.
Eske salaiyq, soqqyǵa jyǵylǵan reanimatsiialyq dáriger 27 jasta. Sondai-aq 21 jastaǵy dárigerge jabyq bassúiek-mi jaraqaty, bas miynyń kontýziiasy, sol jaqta samai aimaǵynyń jumsaq tinderiniń kontýziiasy, muryn súiekteriniń synýy diagnozy qoiylǵan.
