Qazaqstandyqtardy oiyn zaldaryna kirgizbeidi degen ýádege qaramastan, Talǵar aýdanynyń turǵyndary, ásirese jastar arasynda qumar oiyndarǵa qyzyǵýshylyq artady dep alańdaidy, dep habarlaidy ult.kz.
Orda.kz dereginshe, Almaty oblysyndaǵy «Aq-Bulaq» taýly kýrort aýmaǵynda tek sheteldikterge arnalǵan oiyn aimaǵyn salý josparlanyp otyrǵany buǵan deiin de habarlandy.
Bilik bul joba arqyly týrist pen investitsiia tartýdy kózdeidi.
Alaida Talǵar aýdanynyń turǵyndary bul bastamany qoldamaidy. Tipti qazaqstandyqtardy kazinoǵa kirgizbeimiz degen ýáde de olardyń qobaljyǵan kóńiline demeý bolmai otyr. Turǵyndar jasóspirimder men jastar arasynda qumar oiyn men lýdomaniia taralýyna sebep bolady dep qaýiptenedi.
Kazinodan bólek, qonaqúi, ippodrom jáne 1,5 myńnan astam villa men kottedj salý josparlanǵan. Jobaǵa qarajatty jeke investorlar quiady.
