Talǵarda kýáger qar jaýyp turǵan kezde asfalt tósegen jumysshylardy videoǵa túsirip aldy, - dep habarlaidy Tengrinews.kz agenttigi.
Video avtorynyń aitýynsha, oqiǵa 8 jeltoqsanda Abylai han kóshesinde bolǵan. Videodan qar jaýyp turǵanyn kórýge bolady.
"Ne úshin osyndai bolyp jatqanyn bilesizder me? Jyl sońy, al biýdjetti igerý kerek", - deidi video avtory.
"Avtodor Talgar" kompaniiasynyń ókilderi bul videoǵa qatysty pikir bildirdi.
"Almaty oblysynyń qurylys basqarmasy - Talǵar qalasy Abylai han kóshesindegi 1200 oryndyq orta mektepke káriz júrgizýge tapsyrys berýshi, merdiger - Bi Global JShS. Merdiger QNjE sáikes qolaily aýa raiynda joldyń búlingen ýchaskesin asfalttaý týraly birneshe ret habardar etildi. Alaida merdiger eskermedi. Merdiger uiymnyń aqparatyna sáikes, jumystar qurylys salýshynyń esebinen júrgiziledi. Tapsyrys berýshi sheshim qabyldaǵanǵa deiin jumystar toqtatyldy", - dep atap ótti uiym ókilderi.
Bul Talǵarda qar jaýǵan kezde asfalt tóselgen alǵashqy jaǵdai emes. Osyǵan uqsas oqiǵa biylǵy qarasha aiynda bolǵan. Sol kezde Talǵar ákiminiń orynbasary salǵyrttyǵy men merdiger uiymnyń jumysyna tiisti baqylaýdyń joqtyǵy úshin qatań sógis estigen
