Almaty oblysynda 13 jasar ógei qyzyn óltirdi dep kúdikke ilingen 47 jastaǵy turǵyn ustaldy, dep habarlaidy "Ult aqparat".
Oblystyq politsiia departamenti taratqan málimetke sensek, 23 shildede Talǵar qalasyndaǵy jeke úilerdiń birinen 13 jasar qyzdyń múrdesi tabylǵan.
Marqumnyń denesinde azaptaý belgileri bar.
Bul fakt Qylmystyq kodekstiń 99-baby 3-bólimi boiynsha tirkeldi.
Oqiǵa ornyna kelgen jedel tergeý toby qyzdyń 47 jastaǵy ógei ákesiniń osy asa aýyr qylmysqa qatysy bar ekenin anyqtady.
Keiin anyqtalǵandai, bul er adam qyzdyń anasymen azamattyq nekede turǵan.
Jedel izdeý sharasy kezinde oqiǵa ornynan qashyp ketken kúdikti Almaty qalasynda qolǵa tústi.
Qazirgi tańda ustalǵan adam ýaqytsha izoliatorǵa qamalǵan. Sotqa deiingi tergeý júrip jatyr.
Qylmystyq-protsessýaldyq kodekstiń 201-babyna sáikes, politsiia tergeý múddesine bailanysty basqa aqparatty jariialai almaidy.
Politsiianyń málimetine sensek, elimizde balalarǵa qatysty qylmystyń 70 paiyzyn onyń óz ainalasyndaǵy jaqyn adamdar jasaidy.
Bul - olardyń ákesi, ógei ákesi, anasymen birge turatyn er adamdar, týystar, kórshiler, tanystar.
