Almaty oblysy Talǵar aýdanynyń turǵyndary Talǵar ózenindegi balyqtyń jappai qyrylýy men sýdyń jaǵymsyz iisine shaǵymdandy. Mamandar máseleniń mán-jaiyn anyqtap jatyr, dep habarlaidy "Ult aqparat".
Kýágerler ózen jaǵasyndaǵy óli balyqtardy videoǵa túsirgen. Olardyń boljaýynsha, jaqyn mańda ornalasqan kompaniia las sýdy ózenge aǵyzýy múmkin.
«Almaty oblysy, Eńbekshiqazaq aýdany, Bazarkeldi aýyly... Barlyq balyq bir ýaqytta qyrylyp qaldy, sýdan jaǵymsyz iis shyǵady. Munyń bári qashan bitedi, birinshi jyl emes qoi. Qashan naqty sharalar qabyldaidy?», - dep shaǵymdandy turǵyndar áleýmettik jelilerde.
Eńbekshiqazaq aýdanynyń ákimdigi habarlaǵandai, Qapshaǵai balyq bóliminiń mamandary ekspeditsiia bóliminiń basshysymen, tabiǵatty qorǵaý politsiiasy qyzmetkerlerimen jáne Jańashar aýyldyq okrýginiń ákimimen birlesip, 10 tamyz kúni balyqtyń qyrylýy faktisi boiynsha Talǵar ózeniniń jaǵalaýyn teksergen.
«Sýdyń synamalary alynyp, ári qarai zerthanalyq taldaý úshin balyq shabaqtary jinaldy. Taldaý nátijeleri aldaǵy ýaqytta Almaty oblysynyń Ekologiia departamentine joldanatyn bolady. Tiisti sharalar qabyldanady», - dep jaýap berdi ákimdik.
