Talǵar men Qaskeleń joldary keńeitiledi. Bul týraly Almaty ákimi Baqytjan Saǵyntaev halyq aldynda esep berý kezdesýinde málim etti, dep habarlaidy «Ult aqparat».
Onlain formatta ótip jatqan kezdesý barysynda ákim turǵyndardyń qorshaǵan ortaǵa qatysty suraǵyna jaýap berdi. Onyń aitýynsha, qaladaǵy aýanyń lastanýyna kólikterdiń kóptigi sebep. Búgingi kúni Almatyda 500 myńnan astam kólik tirkelgen. Odan bólek, qalaǵa kúnine 250 myńnan astam kólik kiredi.
«Munyń bári qorshaǵan ortaǵa áser etedi. Qaladaǵy kólik keptelisteri de turǵyndarǵa jaisyzdyq ákeledi. Osy máseleni sheshý úshin jol aiyryqtar salynyp jatyr. Qaskeleń, Qapshaǵai, Talǵar baǵyttarynda keptelister bolmaýy úshin biz Indýstriia jáne infraqurylymdyq damý ministrligimen joldardy keńeitý máselesin zerttei bastadyq. Iaǵni, Talǵar tas jolyn keńeitý jáne tórt jolaqty etip jasaý máselesin talqylap jatyrmyz. Qaskeleń joly da keńeitiledi», - deidi ákim.
