Foto ©️ Tengrinews.kz / Álihan Sariev
"Ashyq NQA" portalynda Almaty oblysy Talǵar aýdanynda jergilikti deńgeide tabiǵi tótenshe jaǵdai jariialaý týraly sheshim jobasy jariialandy, - dep habarlaidy «Ult aqparat» Tengrinews.kz -ke silteme jasap.
Qujat dúisenbi, 8 shildede jariialandy. Ony talqylaý búgin, 9 shildede aiaqtaldy.
Almaty oblysynyń ákimdigi Tengrinews.kz tilshisine bergen túsindirme boiynsha, bul sheshim morena kólin bosatý boiynsha aldyn alý sharalardy júzege asyrýǵa bailanysty. Tótenshe jaǵdai búgin resmi túrde engizilgen.
Dál osy sebepti aýdan ákimi Ile-Alataý memlekettik ulttyq tabiǵi parkiniń aýmaǵyna barýdy ýaqytsha shekteý týraly sheshim qabyldady.
"Bul sheshim Talǵar ózeniniń basseininde ornalasqan morena kólin bosatý jáne selden qorǵaý qurylysynyń aldynda ózen arnasyn tazartý boiynsha aldyn alý sharalaryn júrgizýge bailanysty qabyldandy. Bul is-sharalar Talǵar, Kendala, Aqtas eldi mekenderiniń turǵyndarynyń qaýipsizdigin qamtamasyz etýge baǵyttalǵan", - delingen aýdan ákimdiginiń habarlamasynda.
Oqiǵa ornynda Talǵar aýdany ákimdiginiń, tótenshe jaǵdailar bólimi men "Qazseldenqorǵaý" mekemesiniń ókilderi jumys istep jatyr.
Bilik azamattardan qoiylǵan shekteýlerdi saqtaýdy surady.
