Foto:depositphotos.com
Talǵar aýdanyndaǵy mektep esepshisi 90 million teńgeden asa qarjy jymqyrdy degen kúdikke ilindi, - dep habarlaidy Tengrinews.kz tilshisi Bas prokýratýra málimetine silteme jasap.
Almaty oblysynyń prokýratýrasy Talǵar aýdanyndaǵy mektepterdiń birinde esepshiniń jalaqyǵa arnalǵan biýdjet qarajatyn urlaý deregin anyqtady.
"Bul quqyq buzýshylyq mektepte jumys istemeitin qyzmetkerleri men olardyń týystaryna aqsha aýdarý arqyly jasalǵan. Aldyn ala keltirilgen shyǵyn 90 million teńgeden asady jáne shyǵyndy esepteý jalǵasyp jatyr.
Atalǵan fakt boiynsha oblys prokýratýrasy Qazaqstan Respýblikasy Qylmystyq kodekstiń 189 baby 2-bóligi 4-tarmaǵy boiynsha qylmystyq is qozǵalyp (senip tapsyrylǵan bóten múlikti iemdenip alý nemese talan-tarajǵa salý) tergeýligi boiynsha Almaty oblysy boiynsha Ekonomikalyq tergeý basqarmasyna joldandy", - delingen habarlamada.
Osyǵan uqsas fakt Eńbekshiqazaq aýdanynda da anyqtalyp, tergeý qorytyndysy boiynsha mektep esepshisi tergeý satysynda 10 million teńgeden astam shyǵyndy ótegen.
