Foto: Taldyqorǵan qalasynyń ákimdigi
Ernat Bázil Áset Masabaevtyń ornyna Taldyqorǵan qalasynyń ákimi bolyp taǵaiyndaldy, dep habarlaidy "Ult aqparat".
"Jetisý oblysy ákiminiń ókimimen Ernat Dúisenbekuly Bázil Taldyqorǵan qalasynyń ákimi bolyp taǵaiyndaldy" - delingen shahar ákimdigi baspasóz qyzmetiniń habarlamasynda.
Bázil Ernat Dúisenbekuly 1978 jyly týǵan, bilimi joǵary. Qazaq memlekettik sáýlet-qurylys akademiiasyn qurlysshy injener, M.H. Dýlati atyndaǵy Taraz memlekettik ýniversitetin qarjy mamandyǵy boiynsha bitirgen.
Eńbek jolyn Almaty qalasynda «Bazis-A korporatsiiasy» JShS-nyń ýchaske sheberi bolyp bastap, osy seriktestikte prorab, ýchaske bastyǵy bolǵan. Birneshe jyl Astana jáne Almaty qalalaryndaǵy jeke qurylys kompaniialarynda túrli qyzmetterde istedi.
Ár jyldary Almaty qalasynyń qurylys basqarmasynda jetekshi maman, bas maman, bólim bastyǵy, Energetika jáne kommýnaldyq sharýashylyq basqarmasynyń bas mamany, bólim basshysy, basqarma basshysynyń orynbasary, Almaty qalasy Jetisý aýdany ákiminiń orynbasary, Nur-Sultan qalasynyń Otyn-energetikalyq kesheni jáne kommýnaldyq sharýashylyq basqarmasynyń basshysy, Almaty qalasy Jetisý aýdany ákiminiń orynbasary, Jetisý oblysynyń energetika jáne turǵyn úi-kommýnaldyq sharýashylyq basqarmasynyń basshysy laýazymdaryn atqardy.
2023 jyldyń aqpan aiynan Jetisý oblysy ákiminiń orynbasary boldy.
Sondai-aq Jetisý oblysy ákiminiń ókimimen Áset Dúisebekuly Masabaev óz erkimen Taldyqorǵan qalasy ákimi laýazymynan bosatylǵan.
