فوتو: تالدىقورعان قالاسىنىڭ ەكٸمدٸگٸ
ەرنات بەزٸل ەسەت ماساباەۆتىڭ ورنىنا تالدىقورعان قالاسىنىڭ ەكٸمٸ بولىپ تاعايىندالدى, دەپ حابارلايدى "ۇلت اقپارات".
"جەتٸسۋ وبلىسى ەكٸمٸنٸڭ ٶكٸمٸمەن ەرنات دٷيسەنبەكۇلى بەزٸل تالدىقورعان قالاسىنىڭ ەكٸمٸ بولىپ تاعايىندالدى" - دەلٸنگەن شاھار ەكٸمدٸگٸ باسپاسٶز قىزمەتٸنٸڭ حابارلاماسىندا.
بەزٸل ەرنات دٷيسەنبەكۇلى 1978 جىلى تۋعان, بٸلٸمٸ جوعارى. قازاق مەملەكەتتٸك سەۋلەت-قۇرىلىس اكادەميياسىن قۇرلىسشى ينجەنەر, م.ح. دۋلاتي اتىنداعى تاراز مەملەكەتتٸك ۋنيۆەرسيتەتٸن قارجى ماماندىعى بويىنشا بٸتٸرگەن.
ەڭبەك جولىن الماتى قالاسىندا «بازيس-ا كورپوراتسيياسى» جشس-نىڭ ۋچاسكە شەبەرٸ بولىپ باستاپ, وسى سەرٸكتەستٸكتە پروراب, ۋچاسكە باستىعى بولعان. بٸرنەشە جىل استانا جەنە الماتى قالالارىنداعى جەكە قۇرىلىس كومپانييالارىندا تٷرلٸ قىزمەتتەردە ٸستەدٸ.
ەر جىلدارى الماتى قالاسىنىڭ قۇرىلىس باسقارماسىندا جەتەكشٸ مامان, باس مامان, بٶلٸم باستىعى, ەنەرگەتيكا جەنە كوممۋنالدىق شارۋاشىلىق باسقارماسىنىڭ باس مامانى, بٶلٸم باسشىسى, باسقارما باسشىسىنىڭ ورىنباسارى, الماتى قالاسى جەتٸسۋ اۋدانى ەكٸمٸنٸڭ ورىنباسارى, نۇر-سۇلتان قالاسىنىڭ وتىن-ەنەرگەتيكالىق كەشەنٸ جەنە كوممۋنالدىق شارۋاشىلىق باسقارماسىنىڭ باسشىسى, الماتى قالاسى جەتٸسۋ اۋدانى ەكٸمٸنٸڭ ورىنباسارى, جەتٸسۋ وبلىسىنىڭ ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسىنىڭ باسشىسى لاۋازىمدارىن اتقاردى.
2023 جىلدىڭ اقپان ايىنان جەتٸسۋ وبلىسى ەكٸمٸنٸڭ ورىنباسارى بولدى.
سونداي-اق جەتٸسۋ وبلىسى ەكٸمٸنٸڭ ٶكٸمٸمەن ەسەت دٷيسەبەكۇلى ماساباەۆ ٶز ەركٸمەن تالدىقورعان قالاسى ەكٸمٸ لاۋازىمىنان بوساتىلعان.
