Almaty oblysyna Shardjadan ushyp kelgen 135 jolaýshynyń analizderiniń nətijesi belgili boldy, - dep habarlaidy Almaty oblysy əkiminiń baspasóz qyzmeti.
«Jolaýshylardyń bərinen kelgen bette KVI-ǵa analiz alynǵan bolatyn. Barlyǵynyń qorytyndysy teris bolyp shyqty. Algoritmge səikes, olar eki kún karantinde bolýy tiis. Osy merzim bitkennen keiin oblys əkimi Amandyq Batalov olardyń ərqaisysyn turǵylyqty jerine jetkizip salýdy uiymdastyrýdy tapsyrdy. Qazir oǵan daiyndyq sharalary júrip jatyr», - dep atap ótti oblys əkiminiń baspasóz qyzmetinde.
Shardja - Taldyqorǵan baǵytyndaǵy əýe reisi 11 səýir kúni saǵat 21:30-da qonǵan edi. Jolaýshylardy kútip alýǵa sanitar dərigerler, 5 jedel jərdem kóligi, quqyq qorǵaý organdarynyń qyzmetkerleri, kedenshileri men shekarashylar jumyldyryldy.
Oblys əkiminiń tapsyrmasymen sol jerde shtab qurylyp, ony oblys əkiminiń birinshi orynbasary Lazzat Turlashov basqardy. Operatsiianyń birinshi kezeńinde jolaýshylardyń barlyq júgi tyńǵylyqty dezinfektsiialaýdan ótti. Munan soń 135 jolaýshy telemetriia protsedýrasynan ótkizilip, barlyǵynyń dene qyzýy qalypty bolyp shyqty.
Qaýipsizdikti qamtamasyz etý úshin kelýshilerdi qarsy alý operatsiiasyna tartylǵandardyń barlyǵy da obaǵa qarsy kostiýmmen qamtamasyz etildi. Əýejaida tiisti protsedýralardyń bərinen ótkennen keiin reis jolaýshylary avtobýstarǵa otyrǵyzylyp, politsiianyń bastap júrýimen ýaqytsha statsionarǵa jetkizilip, ornalastyryldy.
«45 adam Taldyqorǵandaǵy qonaq úilerdiń birine ornalastyryldy. Turǵyndardyń qaýipsizdigin qamtamasyz etý úshin kósheniń tutas bir bóligin jabý týraly sheshim qabyldandy. Qalǵan 90 adam Tekelidegi «Tekeli» sanatoriine jatqyzyldy. Atalǵan eki nysannyń mańaiyna politsiia jasaǵy qoiyldy. Osy reispen kelgen azamattardyń ǵimarat aýmaǵynan shyǵýyna qatań shekteý qoiylǵan. Oǵan qosa, oblys əkiminiń tapsyrmasyna səikes bul otandastarymyzǵa karantin kezinde turýyna qajetti barlyq qolaily jaǵdai jasalǵan. Tegin tamaqtaný, túrli baǵytta keńes alýǵa múmkindikter qarastyrylǵan», - dedi vedomstvodan.
Óz kezeginde kelgen jolýshylar qonaqjailyq kórsetkeni úshin qarsy alýshylarǵa rizashylyǵyn bildirdi.
Eske salsaq, buǵan deiin 128 qazaqstandyq BAƏ-den Taldyqorǵan əýejaiy arqyly elge oralatyny aitylǵan bolatyn. Shardjadan ushar kezde bortqa 135 otandasymyz otyrǵany belgili boldy.
