kollaj: Tengrinews.kz
Jelide Taldyqorǵandaǵy mektep oqýshylarynyń bir qyzǵa qysym kórsetken videosy tarap jatyr. Jetisý oblysy Politsiia departamentiniń ókilderi videoǵa qatysty túsinik berdi, - dep habarlaidy Tengrinews.kz portaly.
Videoda shamamen mektep oqýshylary bir bólmede jinalǵanyn kórýge bolady. Qyzdardyń biri telefonmen sóilesip bolǵannan keiin qasyndaǵy qyz aiaýsyz ura bastaidy.
Jetisý oblysynyń Politsiia departamenti ókilderiniń sózinshe, video 9 qańtarda Taldyqorǵandaǵy Samal yqshamaýdanyndaǵy páterlerdiń birinde túsirilgen. Oqiǵaǵa qatysty barlyq adam anyqtalǵan.
"Bári kámeletke tolmaǵan, oblys ortalyǵy men Qaratal aýdanyndaǵy mektepterde bilim alady. Janjaldyń sebebi anyqtalyp jatyr. Jábirlenýshi qyz resmi ókili ájesimen birge aryz jazýdan úzildi-kesildi bas tartty. Osyǵan qaramastan, ÁQBtK-niń 73-1-babynda kózdelgen ákimshilik is qozǵaldy (densaýlyqqa qasaqana jeńil ziian keltirý). Budan basqa, qol qoiǵan kúdiktilerge arnalǵan materialdar ákimdik janyndaǵy kámeletke tolmaǵandardyń quqyqtaryn qorǵaý jónindegi Komissiianyń qaraýyna jiberildi", - delingen Jetisý oblysy PD habarlamasynda.
