video skrinshoty
Taldyqorǵanda jylý magistralinde jarylys bolyp, kópqabatty jáne jeke úi turǵyndary jylýsyz qaldy, - dep habarlaidy "Ult aqparat".
"TaldyqorǵanJylýservis" 2 aqpanda tańǵy saǵat 6:00-de Jeltoqsan kóshesiniń boiynda (Medeý kóshesi janynda) D700 millimetrlik jylý magistralinde jarylys bolǵanyn habarlaidy. Qazirgi ýaqytta tótenshe jaǵdaidy joiý jumystary bastaldy", - delingen qalalyq ákimdik taratqan habarlamada.
Aldyn ala boljam boiynsha, "Samal", "Músheltoi", "Ǵaryshker", "Jastar" yqshamaýdandary men qalanyń ortalyq bóligindegi 67 kópqabatty turǵyn úi, 34 jeke turǵyn úi, 12 biýdjettik uiym jylýdan ajyratylady.
"Aralyq qazandyqtar shtattyq rejimde jumys istep tur. Kún aiaǵyna deiin apatty joiý jáne jylý berýdi qalpyna keltirý josparlanǵan", - delingen habarlamada.
