Taldyqorǵanda sońǵy 9 ai ishinde 85 mln. teńge kóleminde ákimshilik aiyppul salyndy.
Búginde onyń 48 mln teńgeden astamy óndirilgen. Bul týraly halyq aldynda 9 aidyń qorytyndysy boiynsha esep bergen Taldyqorǵan qalasynyń Jergilikti politsiia qyzmetiniń bastyǵy, politsiia polkovnigi Talǵat Báziev málimdedi, dep habarlady QazAqparat tilshisi.
Onyń sózinshe, jalpy 7882 ákimshilik quqyq buzýshylyq esepke alynǵan. Al 2 myńnan asa fakti qoǵamdyq oryndarda ishimdik ishý boiynsha tirkelgen. Qazirgi tańda Taldyqorǵan qalasynda profilaktikalyq esepte 4486 azamat tur. Onyń ishinde 2016 jyly jańadan esepke alynǵan 316 azamatpen turaqty profilaktikalyq jumystar júrgizilýde. Atalǵan azamattardyń 41-i buryn sottalǵandar, 48-i ákimshilik baqylaýda, 129-y shartty túrde sottalǵandar, 42-si shartty túrde bosatylǵandar jáne 17-si maskúnem.
Esepti kezeńde áielderge qatysty 822 qylmys tirkeldi, onyń ishinde 481 urlyq, 16 buzaqylyq, 25 zorlaý, 22 tonaý, 4 densaýlyqqa qasaqana ziian keltirý, 175 alaiaqtyq, 9 qaraqshylyq faktileri oryn alyp otyr. Sonymen qatar, 9 ai ishinde 16 jeńgetailyq fakti anyqtaldy.
