Taldyqorǵanda jol apatynan 4 jasar bala qaza tapty, - dep habarlaidy "Ult aqparat" Polisia.kz Telegram arnasyna silteme jasap.
Apat BMW 530, VAZ-2114 jáne Toyota Chaser avtokólikteriniń qatysýymen bolǵan. Saldarynan 4 jasar bala qaza taýyp, 23 jastaǵy VAZ-2114 júrgizýshisi jáne bir jolaýshy zardap shekken, olar túrli jaraqatpen aýrýhanaǵa jatqyzyldy.
BMW 530 kóligin 42 jastaǵy jergilikti turǵyn basqarǵany anyqtaldy, ol Raqyshev kóshesinde VAZ-2114-pen soqtyǵysyp, sonymen qatar turaqta turǵan Toyota Shaser kóligin soqqan.
Meditsinalyq kýálandyrýǵa sáikes, nemis kóliginiń júrgizýshisi mas kúide bolǵan. Er adam qalalyq politsiiaǵa jetkizilip, qamaýǵa alyndy. Sotaldy tergeý bastaldy.
Jelide oqiǵa ornynan túsirilgen video paida boldy. Ony bloger Sandýǵash Dúisenova túsirip, áleýmettik jelide jariialaǵan.
