Foto: Polisia.kz
Taldyqorǵanda jedel járdem kóliginiń qatysýymen bolǵan jol apatynda er adam qaitys boldy, dep habarlaidy "Ult aqparat" IIM baspasóz qyzmetine silteme jasap.
Oqiǵa 30 qazanǵa qaraǵan túni Taldyqorǵan qalasynyń ortalyǵynda Audi 80 jáne Hyundai Solati avtokólikteriniń qatysýymen bolǵan.
"54 jastaǵy jedel járdem kóliginiń júrgizýshisi Balpyq bi kóshesimen kele jatyp, jol jieginde turǵan Audi kóligimen soqtyǵysady.
Soqqy kezinde nemis kóliginiń 37 jastaǵy júrgizýshisi jolaýshysymen birge kóliktiń artqy dóńgelegin aýystyryp jatqan.
Jeńil kólik júrgizýshisi oqiǵa ornynda qaitys boldy. Sondai-aq 36 jastaǵy er adam túrli dene jaraqatymen aýrýhananyń reanimatsiia bólimine jatqyzyldy" - delingen habarlamada.
Vedomstvo málimetinshe, qajetti saraptamalar taǵaiyndalyp, QR Qylmystyq kodeksi 345-babynyń 3-bóliminde kózdelgen tergeý amaldary bastaldy. Qylmystyq isti tergeýdi oblystyq politsiia departamenti baqylaýǵa aldy.
