Foto: Polisia.kz
Jetisý oblysynda birqatar alaiaqtyqqa qatysy bar jataqhana komendanty jazalanady, - dep habarlaidy "Ult aqparat" Polisia.kz saityna silteme jasap.
Alaiaqtyq derekteri boiynsha aryzdar Taldyqorǵan politsiiasyna 2022 jyldyń qazanynda túse bastaǵan. Tártip saqshylary qylmys jasady degen kúdikpen stýdenttik jataqhanalardyń biriniń burynǵy komendantyn ustady.
Qalalyq prokýratýranyń úilestirýimen qylmystyq isti tergeý amaldary QR QK-niń 190-baby 3-bóligi 4-tarmaǵy ("Alaiaqtyq") boiynsha júrgizilgen. Komendant áiel úsh bankte jáne birneshe mikrokredittik uiymda taýar-aqshalai kreditterdi alaiaqtyq jolymen resimdedi degen kúdikke ilingen. Printer, teledidar, konditsioner, uialy telefon túrinde alǵan jáne basqa da taýarlar keiinnen satylǵan.
"Búginde qylmystyq iste 18 jábirlenýshi bar, olardyń negizgi bóligi - stýdentter. Keltirilgen zalal shamamen 16 million teńgeden asady. Jaqyn arada sotqa jiberý úshin materialdardy daiyndaimyz", – deidi Taldyqorǵan QP bastyǵynyń orynbasary Shyńǵys Nurahimov.
