Taldyqorǵanda kolledj ǵimaratynyń 3-qabattaǵy terezesinen qulaǵan stýdent alǵashqyda óziniń aýyryp turǵanyn aityp shaǵymdanǵan, dep habarlaidy "Ult aqparat".
«Tarih páni bolatyn. Jańaǵy stýdent ózin jaisyz sezinip turǵanyn aitty. Muǵalim medbikege bar dep eskertken. Biraq stýdent qyz barmaǵan. Qyz barmaimyn degen soń muǵalim basqa oqýshyny medbikeni shaqyryp kelýge jumsaǵan. Medbike kelgenshe stýdentter men muǵalim sabaǵyn ári qarai jalǵastyra bergen. Sol kezde jańaǵy aýyryp otyrǵan stýdent terezeden sekirip ketken», - deidi Taldyqorǵandaǵy gýmanitarlyq kolledj direktorynyń orynbasary Baqyt Samalbaev.
Onyń aitýynsha, stýdenttiń qulaǵan sáti kolledj ǵimaratyndaǵy beinekameraǵa túsip qalǵan.
Bul aiǵaqty tergeýshiler iske tirkep, qazir «Ózine qol jumsaýǵa itermeleý» baby boiynsha sotqa deiingi tergeý júrip jatyr.
Esterińizge sala keteiik, buǵan deiin 17 jastaǵy stýdent qyzdyń 3-qabattaǵy terezeden qulap ketkenin habarlaǵan bolatynbyz.
