Taldyqorǵanda tártip saqshylary karantin kezinde qaýipsizdik sharalaryn kúsheitti, - dep habarlaidy "Ult aqparat".
Taldyqorǵan qalasynda koronavirýs indetin juqtyrý deregi tirkelgenine bailanysty aldyn alý sharalarymen qatar, praktikalyq sharalar da kúsheitildi.
«Oblys ortalyǵyna kireberisterde 4 sanitarlyq beket tur. Qazirgi ýaqytta bekettegi politseilerdiń sany artyp, beket jumysyna 40 qyzmetker jumyldyrylǵan. Kólikterdiń belsendi qozǵalysy «Almaty - Taldyqorǵan», «Tekeli - Taldyqorǵan», «Úshtóbe - Taldyqorǵan» sanitarlyq beketterinde tirkeldi. Degenmen, atalǵan oryndarda kólik keptelisi joq ekenin atap ótý qajet»,- dedi Taldyqorǵan qalalyq politsiia bóliminiń bastyǵy, politsiia polkovnigi Asqar Nursapa.
Sanitarlyq beketterde tártip saqshylary oblys ortalyǵyna kirýge nietti azamattardyń qalada tirkeýde ekenin tekseredi nemese qalaǵa kirýge berilgen ruqsat qujattaryn qaraidy. Bas sanitarlyq dárigerdiń qaýlysy kúshine engen sátten bastap, iaǵni 17 mamyrdan búginge deiin 8207 avtokólik pen 18568 azamat tekserilgen.
«Sondai-aq, indet juqtyrǵan tulǵalar men olarmen bailanysta bolǵandardyń, sonymen qatar provizorlyq, karantindik statsionarlardyń jáne úi karantinine jatqyzylǵan tulǵalardyń turǵylyqty mekenjaiyn táýlik boiy oqshaýlaý júzege asyrylýda. Basty nazar halyq arasynda karantindik sharalardy saqtaý, onyń ishinde maskany únemi taǵý týraly túsindirý jumystaryn júrgizýge aýdarylyp otyr. Baqtarda, gúlzarlarda reidter júrgizilip, turǵyndardyń toptalyp júrmeýin qamtamasyz etý sharalary qabyldanýda. Kún saiyn saýda oryndarynda da reidter júrgizilip, Taldyqorǵan qalasy bas sanitarlyq dárigeri qaýlysynyń oryndalýy tekserilýde»,- dep tolyqtyrdy polkovnik Asqar Nursapa.
Politseiler indettiń jappai taralýynyń aldyn alý úshin jeke sanitarlyq qaýipsizdik sharalaryn qatań saqtaýdy jáne karantin erejelerin buzbaýdy suraidy.
