Videodan kadr: 24.kz
Jetisýda altynnan jasalǵan áshekeiler tabyldy. Qundy dúnieler Daýylbaidaǵy patshalyq qorymnan anyqtalǵan. Bul týraly 24.KZ habarlaidy.
Atalǵan aimaqty zertteý oblystyq ákimdiktiń qarjylandyrýymen byltyr bastaldy. Ǵalymdar 11 obanyń bireýin qazyp, onyń tonalǵanyn anyqtaǵan. Soǵan qaramastan altyn jalatylǵan asataiaq tabyldy. Al biyl nómiri besinshi obadan kóne jádigerler qazyp alyndy. Anasy men balasy jerlengen beiittiń qurylymy erekshe.
"Shyqqan dúnieler óte qundy. Onyń ishinde syrǵalar altyn, qońyraýshalar sopaqsha kelgen, jáne shashqa qadaityn qola túiregishi bar, sonymen qatar birneshe monshaǵy bar. Biz endi aldyn ala boljam boiynsha b.z.d. IV-V ǵasyrlar dep mejelep otyrmyz. Onyń anyq ýaqytyn zertteý jumystary kórsetedi", - dedi arheologiialyq ekspeditsiia jetekshisi Hamit Aitqul.
Adam qańqasy 3,5 metr tereńge kómilip, ústine tas qalanyp, qaraǵaimen jabylǵan. Ǵalymdardyń sózinshe, kúrdeli konstrýktsiianyń tonalmaý sebebi de osy bolsa kerek. Endi alynǵan artefaktiler jiti zerttelmek.
"Arheologiialyq zertteýler boiynsha konferentsiia bereiin dep jatyrmyz. Sol konferentsiiada jańaǵy tabylǵan dúnielerdiń bárin kórsetip, sol dúnielerdiń bárin oblystyq Tynyshbaev atyndaǵy mýzeige tapsyrsaq pa degen jospar bar", - dedi Jetisý oblysynyń tarihi-mádeni muralaryn qorǵaý ortalyǵynyń direktory Ǵalymjan Ospanov.
