Taldyqorǵanda pyshaqpen jáne tapanshamen qarýlanǵan 18 jastaǵy jigit ustaldy, dep habarlaidy QazAqparat.
Almaty oblysy Politsiia departamenti baspasóz qyzmetiniń málimetinshe, ustalǵan azamat bir jyl boiy jerlesine qatysty bopsalaý áreketterin jasady degen kúdikke ilindi.
11 qarasha kúni Kóksý aýdandyq politsiiasynyń kezekshi bólimine 18 jastaǵy jergilikti turǵyn tanystarynyń biri tarapanynan bopsalanǵany jaiynda aryzdanǵan. Jas jigit jalpy somasy 596 000 teńgeden astam qarajatty kúdiktige bergeni málim boldy. Derek aýdandyq politsiiada QR QK-niń 194-baby 2-bóliginiń 3-tarmaǵy boiynsha tirkeldi (Birneshe ret jasalǵan qorqytyp alýshylyq).
Balpyq bi aýylynyń turǵyny bolyp tabylatyn kúdiktini ustaý jumysyn oblystyq ekstremizmge qarsy is-qimyl basqarmasynyń jedel qyzmetkerleri Taldyqorǵan qalasynda júrgizdi. Jedel is-sharaǵa arnaiy jasaq jaýyngerleri de tartyldy.
Ustaý kezinde kúdiktiden jinalmaly pyshaq pen travmatikalyq tapansha tárkilendi. Tárkilengen qarýǵa tiisti saraptama taǵaiyndalyp, QR QK-niń 287-babynyń 2-bóligine (Qarýdy zańsyz satyp alý, saqtaý, tasymaldaý nemese alyp júrý) sáikes qylmystyq is qozǵaldy.
Sotqa deiingi tergeý barysynda kúdiktiniń jábirlenýshini 2020 jyldyń qarashasy men 2021 jyldyń qazanynda fizikalyq kúsh kórsetýmen jáne qarýmen qorqytyp, onlain-nesie resimdeýge májbúrlegeni anyqtaldy. Sonymen qatar ol bir jyl ishinde jas jigittiń qymbat úsh uialy telefonyn tartyp alǵan.
Ózge aqparat QR QIJK 201-babyna sáikes jariia etilmeidi.
