Foto ashyq derekkózden alyndy
Taldyqorǵanda qylmystyq ister jónindegi mamandandyrylǵan aýdanaralyq sot kámeletke tolmaǵan qyzdy zorlady degen 37 jastaǵy er adamǵa qatysty úkim shyǵardy, - dep habarlaidy Tengrinews.kz portaly.
Tergeý amaldary 2022 jylǵy tamyzda jergilikti turǵynnyń aryzyna sáikes, QR QK-niń 121-baby 4-bóligi boiynsha bastaldy. Áiel kúieýin óziniń 11 jastaǵy qyzyna seksýaldyq zorlyq jasady dep aiyptady.
"Er adam ustalyp, politsiiaǵa jetkizilgen. Kúdiktiniń buryn birneshe ret jaýapqa tartylǵany jáne jazasyn penitentsiarlyq júieniń mekemelerinde ótegeni anyqtaldy. Tergeý sheńberinde dáleldemelik baza jinalyp, birqatar saraptama júrgizildi, olardyń nátijeleri qylmystyq is materialdaryna zattai aiǵaq retinde qosa tirkeldi. Nátijesinde isti sotqa jibere otyryp, aiyptaý aktisi jasaldy", - dedi Taldyqorǵan politsiia bólimi bastyǵynyń orynbasary Shyńǵys Nurahimov.
Sot er adamdy kináli dep taýyp, 20 jyl 6 ai bas bostandyǵynan aiyrdy. Ol jazasyn eń joǵary qaýipsizdik túzeý mekemesinde óteidi. Úkim áli zańdy kúshine engen joq.
