Taldyqorǵanda Elbasy Joldaýyndaǵy onkologiialyq aýrýlardy erte kezeńde anyqtaý tapsyrmasymen jaǵdaiattyq ortalyq iske qosyldy. Ortalyq - elimizdiń densaýlyq saqtaý salasyn tsifrlandyrýǵa baǵyttalǵan biregei joba, dep habarlaidy "Ult aqparat".
Radiologiialyq-aqparattyq keshen onkologiialyq aýrýlardy alǵashqy kezeńinde anyqtaýǵa múmkindik beredi. Sebebi bul jerge zaman aýi kompiýterlik serverlerge jasandy inttelekt ornatylǵan. Ortalyq Almaty oblysynyń 13 emdeý mekemesiniń 70-ten astam qondyrǵylarymen tikelei jalǵanǵan. Jasandy intellekt ol jerdegi aqparatty jedel saralap, rentgen sýretinen obyrdyń bar-joǵy, kezeńi týraly naqty aqparat beredi. Máselen adamnyń kózi 2,5 mm-lik jarany kóre alsa, jasandy intelekt 1 mm jarany anyqtai alady. Joba memlekettik-jekeshelik seriktestik negizinde júzege asty. Jańa baǵdarlamany Túrkiia eliniń mamandary qazaqstandyq áriptestermen birlese qurastyrǵan.
«Aýdandyq aýrýhanalardan málimetterdiń bir aqparattyq ortalyqqa jinaqtalýy óńirdiń aýrýhanalaryn sandyq sapaǵa kóshirýdiń biregei joly. Jasandy intellektti densaýlyq saqtaý salasynda qoldaný álemdik trendke ainalyp otyr. Almaty oblysy osy baǵytta jańa belesterdi baǵyndyryp keledi», - dedi Túrkiia kompaniialar tobynyń basqarma tóraǵasy Temel Akgiýn.
