Almaty oblysynyń ortalyǵy Taldyqorǵan qalasynda «Qoǵamdyq kelisim» KMM-niń qoldaýymen Almaty oblystyq «Kúmis tamyr» qytai etnomádeni birlestigi uiymdastyrýymen Nur-Sultan – kelisim men beibitshilik astanasy» atty oblystyq forýmy ótti, - dep habarlaidy «Ult aqparat».
Qoǵamdyq kelisim» KMM direktorynyń mindetin atqarýshy Jandos Baikamitov atalǵan shara Qazaqstan Respýblikasy Táýelsizdiginiń 30 jyldyǵy aiasynda astana kúnine arnalǵanyn atap ótti.
«Barshańyzǵa belgili 6-shilde Nur-Sultan qalasynyń qurylǵan kúni, iaǵni bas qalamyzdyń týǵan kúni. Jas ta bolsa, bas bolyp, elimizdi álemge tanytyp otyrǵan Elordamyz kún sanap kórkeiip keledi. Osy oraida búgingi Astana kúnine orai uiymdastyrylyp otyrǵan forýmǵa qatysýshylardy saltanatty sharanyń ashylýymen quttyqtaimyn. Elimizdiń birligi ulttardyń tatýlyǵynda, kelisim men beibitshiliginde degim keledi», - dedi «Qoǵamdyq kelisim» KMM direktorynyń mindetin atqarýshy Jandos Baikamitov.
Sonymen birge, atalǵan forým aiasynda qytai etnomádeni birlestigi talantty jasóspirimder men jastarǵa qoldaý kórsetip, óskeleń urpaqty estetikalyq jáne adamgershilik-patriottyq sezimin tárbieleý maqsatynda onlain baiqaý uiymdastyrdy.
«Bul baiqaý úsh nominatsiiadan, atap aitqanda, án, avtorlyq óleń, mánerlep oqý jáne patriottyq taqyrypta sýret salý boiynsha ótti. Baiqaýǵa Almaty oblysynyń barlyq aimaqtarynan túrli etnostyń balalary men jasóspirimderi qatysty. Sondai-aq, jeńimpazdar diplomdarmen jáne baǵaly syilyqtarmen marapattaldy», - dedi «Kúmis tamyr» qytai etnomádeni birlestiginiń tóraǵasy Liýdmila Mazova.
Baiqaý qorytyndysy boiynsha, «Án» nominatsiiasynda birinshi oryndy Taldyqorǵan qalasynan qatysýshy Arýna Balabekova, «avtorlyq óleń» nominatsiiasynda Liana Sýltanova, «Beineleý óneri» nominatsiiasynda Diana Migacheva jeńiske jetken.
«Men «avtorlyq óleń» nominatsiiasy boiynsha qatystym. Ózimdi júlde alamyn dep oilaǵam joq, degenmen jarysqa qatysýshy ár adam jeńilemin dep qatyspaityny taǵy bar. Men Elordamyzdyń týǵan kúnine arnap shyǵarǵan jyr shýmaqtarymdy jibergen bolatynmyn. Qashyqtan onlain uiymdastyrǵan bul baiqaýdyń ádil ótkenine kúmánim joq. Sebebi, bir-aq kúnniń ishinde jeńimpaz bolyp shyǵamyn dep ózim de oilaǵan joqpyn. Barlyq jeńimpazdardy shyn júrekten quttyqtap, uiymdastyrýshylarǵa zor alǵysymdy bildiremin», - dedi «avtorlyq óleń» nominatsiiasynda birinshi oryn alǵan qatysýshy Liana Sýltanova.
«Án» nominatsiiasynda birinshi oryndy alǵan Taldyqorǵan qalasynan qatysýshy Arýna Balabekova onlain án salýdyń qyzyqtarymen bólisti.
«Baiqaý uiymdastyrylyp jatqanyn estigende, aldymen, qyzyq kórindi. Óziń án aityp, ony vieoǵa túsirip, uiymdastyrýshylarǵa joldaýyń kerek. Odan talantyń kórine me, joq pa belgisiz. Biraq shyn talantty tanityn ádil qazylar bolsa, bári de ádil ótedi eken. Men án salǵandy bala kezimnen jaqsy kóremin. Osy baiqaýǵa án salyp, joldaǵanmyn. Júldeli bolýym meni qanattandyryp otyr, endi aldaǵy ýaqytta ónerden alystamasam deimin. Osyndai karantin jaǵdaiynda talabymyzdy tunshyqtyrmai osyndai onlain baiqaýlar qashyqtan uiymdastyryla berse deimin. Bul biz úshin úlken tájiribe», - dedi «Án» nominatsiiasynda birinshi oryndy alǵan Taldyqorǵan qalasynan qatysýshy Arýna Balabekova.
Sondai-aq, atalǵan oblystyq forýmǵa «Poloniia» poliak etnomádeni birlestiginiń tóraǵasy Elena Porseva, «Barbang» kúrdter qaýymdastyǵynyń Taldyqorǵan óńirlik filialynyń tóraǵasy Ali Momých-ogly, «Vainah» sheshen-ingýsh etnomádeni birlestigi tóraǵasynyń orynbasary Aset Ibragimova, «Elefteriia» grek etnomádeni birlestigi tóraǵasynyń orynbasary Galina Pýtahidi qatysyp, sóz sóiledi. Forým Taldyqorǵan qalasynyń shyǵarmashylyq ujymdarynyń qatysýymen kontserttik baǵdarlamamen aiaqtaldy.
Esterińizge sala keteiik, Almaty oblysynyń ortalyǵy Taldyqorǵan qalasynda «Qoǵamdyq kelisim» KMM-niń qoldaýymen Almaty oblystyq «Kúmis tamyr» qytai etnomádeni birlestigi uiymdastyrýymen Nur-Sultan – kelisim men beibitshilik astanasy» atty oblystyq forýmy ótti. Forým aiasynda qytai etnomádeni birlestigi talantty jasóspirimder men jastarǵa qoldaý kórsetip, óskeleń urpaqty estetikalyq jáne adamgershilik-patriottyq sezimin tárbieleý maqsatynda onlain baiqaý uiymdastyrylǵan bolatyn.
