kollaj: Tengrinews.kz
Áleýmettik jelide Taldyqorǵandaǵy mektepterdiń birinde muǵalim men oqýshynyń janjaldasyp jatqan videosy tarady, - dep habarlaidy Tengrinews.kz tilshisi.
Oqiǵa №6 orta mektepte aǵylshyn tili muǵalimi men segizinshi synyp oqýshysy arasynda bolǵan. Janjaldyń sebebi belgisiz.
Videoda oqýshy qyz muǵalimin balaǵattap jatqany esitiledi.
Keiin olar bir-birin julqi bastaidy. Almaty oblysy Bilim basqarmasynyń baspasóz qyzmeti videoǵa qatysty pikir bildirdi.
"Oqiǵa 11 sáýirde bolǵan. Osy oqiǵadan keiin mektepte ádep jónindegi keńes ótti. Oǵan oqýshynyń anasy shaqyrylǵan. Keńes barysynda taraptar tatýlasty, bir-birine talap-aryzy joq. Muǵalim óz erkimen jumystan bosatyldy. Aita ketý kerek jait, ol ótinishinde 2022 jyldyń aqpanynan beri densaýlyǵy nasharlaǵanyn jazǵan", - dedi vedomstvo ókili.
