Taldyqorǵan qalasyna qarasty Erkin aýylynda gaz ballony jarylyp, oqiǵadan zardap shekken tórt adamnyń jaǵdaiy óte aýyr. 14 jasar balanyń denesiniń 98% kúiip qalǵan, dep habarlaidy "Ult aqparat".
«Taldyqorǵan qalalyq kópsalaly aýrýhananyń jansaqtaý bóliminde jatqan 4 naýqastyń jaǵdaiy óte aýyr. 2006 jylǵy balanyń denesi 98%, 1972 jyly týǵan turǵynnyń denesi 82%, 1973 jylǵy naýqastyki 50% jáne 70 jastaǵy turǵynnyń denesiniń 55 paiyzyn kúiik shalǵan», - dedi Almaty oblystyq densaýlyq saqtaý basqarmasy baspasóz qyzmetiniń hatshysy Láilim Aýbakirova.
Sondai-aq resmi ókildiń málimetinshe, oblystyq balalar aýrýhanasyna 2010 jáne 2012 jyy týǵan naýqastar jetkizilgen. Olardyń beti, moiny, denesi kúigen. Jaǵdailary birqalypty.
Sonymen qatar, oblystyq aýrýhanada jatqan 1967 jáne 1969 jyly týǵan naýqastar da gaz ballonynyń jarylysynan zardap shekken. Olardyń jaǵdaiy aýyr.
