Foto ashyq derekkózden alyndy
Taldyqorǵanda oblystyq balalar aýrýhanasynyń esepshisi biýdjet qarajatyn qumar oiyndarǵa salyp jibergen, dep habarlaidy Qazaqstan telearnasy.
Telearna málimetinshe, ol qyzmetkerlerge tiesili jalaqy men zeinetaqy jarnalaryn, dári-dármekke jumsalatyn qarajatty 1 jyldan asa ýaqyt boiy aldymen ózine aýdaryp, keiin býkmekerlik keńsege jiberip turǵan. Jetisý oblystyq Ekonomikalyq tergeý departamenti qyzmetkerleri tergeýi nátijesinde 28 jastaǵy maman 116 million teńgeni qoldy qylǵany anyqtalǵan. Qazir aýrýhana qyzmetkerleriniń mindetti tólemderi memleket esebinen tolyq qaitaryldy.
"Qazir kúdikti tergeý izoliatorynda qamaýda otyr. Qylmystyq isi sotta qaralyp jatyr. Qylmystyq is boiynsha onyń jasaǵan áreketi aýyr qylmys sanatyna jatady. 7 jyldan 12 jyl aralyǵynda bas bostandyǵynan aiyrý jazasy kózdelgen", - deidi Jetisý oblystyq Ekonomikalyq tergeý departamentiniń tergeýshisi Aslan Bidasov.
