Taldyqorǵanda 27 jyl boiy qańyrap turǵan ǵimarat paidalanýǵa berildi. Ótken jyly nysanǵa 2,3 mlrd teńge qarajat oblystyq biýdjetten bólinip, alǵashqyda qonaq úi bolyp salynǵan nysan stýdentter jataqhanasy retinde ózgertildi, dep habarlaidy "Ult aqparat".
Taldyqorǵan qalasynyń «Qaratal» shaǵyn aýdanynda uzaq jyldar boiy qaraýsyz qalǵan aiaqsyz qurylysty oblys ákimi A. Batalov kommýnaldyq menshikke ótkizip, stýdentter jataqhanasy retinde qaita salýdy tapsyrǵan bolatyn. Sonyń nátijesinde ainalasy bir jyldyń ishinde 13 qabatty, sáýleti kelisti jańa jataqhana boi kóterdi. Taldyqorǵandaǵy birden bir joǵary oqý orny I. Jansúgirov atyndaǵy Jetisý memlekettik ýniversitetiniń stýdentteri úshin berilip otyrǵan bul nysan bilimgerlerdiń ómir súrý jaǵdaiyn jaqsartyp, bilim sapasyn arttyrýǵa yqpal etetin qadam bolmaq.
«Men oqýǵa túskende maǵan jańa jataqhanada turasyń dedi, biraq men alǵashynda senbedim. Shynynda da qazir osy stýdentter úiinde tegin turyp jatyrmyn. Óte qýanyshtymyn. Bizde kitaphana, kinozaldardy aitpaǵanda, tipti kir jýatyn mashinaǵa deiin bar. Endi biz eshteńege alańdamai tek qana jaqsy oqýymyz kerek», - «Ainalaiyn» balalar úiiniń tárbielenýshisi, I. Jansúgirov atyndaǵy JMÝ jýrnalistika bóliminiń 1 kýrs stýdenti Aiaýlym Qoishybaeva.
