Taldyqorǵanda 23 jastaǵy er adam politseige pyshaq saldy. Jábirlenýshi aýrýhanaǵa tústi, - dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, ustalǵan kúdikti Kóksý aýdanynyń turǵyny bolyp shyqty. Ol qazir qamaýda otyr. Politseige pyshaq salǵan kúdiktiniń ishimdik ishkeni anyqtaldy.
Almaty oblysy Politsiia departamenti 3 mamyr kúni saǵat 01:15-te politsiia qyzmetkerlerine Taldyqorǵan qalasynyń turǵynynan avtovokzalda masań kúidegi er adamnyń otbasylyq janjalǵa bailanysty oǵan qaýip tóndirgeni týraly shaqyrtý kelip túskenin habarlaidy.
Shaqyrtý ornyna dereý jetken Taldyqorǵan qalasy PB-niń eki ýchaskelik politsiia inspektoryn baiqaǵan kúdikti oqiǵa ornynan jasyrynýǵa tyrysqan.
Quqyq buzýshyny qýyp baryp ustamaq bolǵan tártip saqshysyna «Abai - Jansúgirov» kósheleriniń qiylysynda ol ýchaskelik inspektorlardyń birine pyshaq salǵan.
Kóksý aýdanynyń 23 jastaǵy turǵyny ustalyp, qamaýǵa alyndy. Qylmys quraly — as úi pyshaǵy tárkilendi.
Politsiia qyzmetkeri Taldyqorǵan qalasyndaǵy aýrýhanaǵa jetkizildi.
«Bilik ókiline qatysty kúsh qoldaný deregi boiynsha QR QK 380-babynyń 2-bóliginde kózdelgen qylmystyq is qozǵaldy», - delingen Almaty oblysy PD baspasóz qyzmeti taratqan habarlamada.
