© Sputnik / Konstantin Chalabov
Taldyqorǵanda boijetken 77 jastaǵy týysynyń zeinetaqy jinaǵyn urlady, dep habarlaidy Sputnik Qazaqstan Almaty oblysy politsiia departamentiniń baspasóz qyzmetine silteme jasap.
18 jastaǵy qyz zeinetker áieldiń 3,5 mln teńgege jýyq aqshasyn jymqyrǵan. Politsiia 1,7 mln teńgeni taýyp, zańdy iesine qaitardy. Al qalǵan somany boijetken óz qajetine jumsap, banktegi kreditin ótegen.
Kúdikti qart áieldiń týysqany ekeni anyqtaldy. Sońǵy eki ai boiy ol zeinetkerdiń páterinde turǵan.
Bul faktige qatysty Qylmystyq kodekstiń 188-baby 3-tarmaǵy "Iri mólsherdegi urlyq" boiynsha sotqa deiingi tergeý bastaldy.
Qazir kúdiktini qamaýǵa alý máselesi sheshilip jatyr, dep málimdedi politsiia departamenti.
