Búgin Taldyqorǵan qalasynda turǵyn úi kezeginde turǵandar men «Turǵynúijinaqbanki» AQ-nyń salymshylaryna jańa kópqabatty úilerdiń 168 páteri berildi. Memlekettik «Nurly jol» baǵdarlamasymen salynǵan nesielik turǵyn úilerdiń kiltin oblys ákimi Amandyq Batalov pen «Qazaqstannyń Turǵynúijinaqbanki» AQ Basqarma tóraiymy Lázzat Ibragimova tabystady.
Qonys ielerin quttyqtaǵan oblys ákimi A. Batalov Taldyqorǵan qalasyn damytýdyń josparyna, sonyń ishinde 7-shaǵyn aýdanda salynatyn qurylys nysandaryna qysqasha toqtalyp, jańa baspanalaryna qutty bolsyn aitty.
- Halyqty turǵyn úimen qamtamasyz etý týraly Elbasynyń tapsyrmasyna sáikes oblysta aýqymdy jumystar atqarylyp jatyr. Taldyqorǵan qalasy da kúnnen kúnge kórkeiip keledi. Sonyń bir aiǵaǵy – búgin jańa páterlerge qol jetkizip otyrsyzdar. Oblys ortalyǵyndaǵy jańa baspanalaryńyz qutty bolsyn. Shańyraqtaryńyz shattyq pen qýanyshqa, otbasylaryńyz baqyt pen yrysqa tolsyn! – dedi A. Batalov. «Qazaqstannyń Turǵynúijinaqbanki» AQ Basqarma tóraiymy Lázzat Ibragimova da kópshilikke izgi tilegin jetkizip, qýanyshtaryna ortaqtasty. Jańa qonys ieleri de ońdy memlekettik saiasattyń nátijesinde baspanaly bolý baqytyna ie bolyp otyrǵandaryn aityp, Prezidenttiń atyna rizashylyqtaryn jetkizdi.
Kilt tapsyrý saltanatynyń aldynda oblys ákimi A. Batalov pen «Qazaqstannyń Turǵynúijinaqbanki» AQ Basqarma tóraiymy Lázzat Ibragimova jeke turǵyn úi qurylysyn damytý týraly ózara yntymaqtastyq memorandýmyna qol qoidy.
L. Ibragimovanyń aitýynsha, «Nurly jer» baǵdarlamasy sheńberinde qos tarap kelisimi boiynsha jyl sońyna deiin Taldyqorǵanda banktiń qatysýymen kottedjdi qalashyqta 48 jer úi salynyp, paidalanýǵa beriledi dep josparlanyp otyr. Al munan keiingi eki jyl ishinde osyndai jeke turǵyn úiler sanyn 600-ge jetkizý mejelengen.
«Nurly jer» baǵdarlamasy negizinde jeke turǵyn úiler salynatyn jer alańdarynyń injenerlik infraqurylymyn jasaýǵa tolyq qoldaý kórsetemiz. Eń bastysy onyń nátijesin halyq kóredi», - dedi Amandyq Ǵabbasuly.
Atalmysh banktiń Almaty oblysynda 43 myńnan astam salymshysy bar, iaǵni oblys respýblika kóleminde salymshylarynyń sany jaǵynan aldyńǵy qatarda. Bul - Almaty oblysynyń ortalyq qalasynda ǵana emes, Qaskeleń, Talǵar siiaqty shaǵyn qalalarynda da infraqurylymnyń jaqsy damyǵanynyń nátijesi. «Turǵynúijinaqbanki» AQ Óńirlerdi damytýdyń 2020 jylǵa deiingi baǵdarlamasy sheńberinde oblysta 74,1 myń sharshy metr turǵyn úi salǵan. Sonyń ishinde «Turǵyndardyń barlyq sanatyna arnalǵan turǵyn úi» baǵyty boiynsha 41,1 myń sharshy metrlik 12 úi nemese 609 páter salynsa, «Jas otbasylarǵa arnalǵan turǵyn úi» baǵyty boiynsha 33 myń sharshy metrlik 7 úi nemese 593 páterdi paidalanýǵa berilgen. Jalpy 2017 jyly 6 úi salý josparlansa, sonyń 4-eýi Taldyqorǵanda bolmaq.
