Almaty oblysynda koronavirýs infektsiiasynyń taǵy 3 jaǵdaiy tirkeldi, olar – Taldyqorǵan qalasynyń turǵyndary, dep habarlaidy "Ult aqparat".
Almaty oblysy ákimdigi baspasóz qyzmetiniń málimetinshe, 1991, 1997, 1972 jyly týǵan 3 patsienttiń de syrqaty PTR-taldaýy kezinde anyqtalǵan. Aldymen oblystyq aýrýhananyń provizorlyq bólimine jetkizilgen patsientter qazir Taldyqorǵandaǵy áskeri gospitalǵa aýystyryldy.
Olarmen 15 adamnyń qarym-qatynasta bolǵany anyqtaldy. Olar meditsinalyq baqylaýǵa alynyp, epidemiologiialyq zertteý júrgizilýde.
Sol siiaqty Taldyqorǵan qalalyq memlekettik bas sanitar dárigeriniń 18 mamyrdaǵy №4 qaýlysymen oblys ortalyǵyndaǵy Samal shaǵynaýdanyndaǵy 1-úige, Aqjazyq kóshesindegi 5-úige, Jandosov kóshesindegi 5-úige 14 kúndik karantin engizildi. Bul úilerde 135 adam turady.
Jalpy Almaty oblysynda koronavirýs juqtyrǵandar sany - 209, sonyń ishinde Taldyqorǵan qalasynda 10 adam bar.
