«Jetisý» áýekompaniiasy« AQ-nyń kestesine sáikes búgin Taldyqorǵan-Úsharal-Taldyqorǵan baǵytyndaǵy ushý reisiniń maýsymy bastaldy, dep habarlaidy "Ult aqparat".
Alǵashqy reiste L-410 ÝVP-E20 ushaǵymen ushqan jolaýshylar Alakól aýdanyna qarasty «Úsharal« áýejaiyna kelip qondy.
Qazirgi karantin rejimine bailanysty áýejaida sanitarlyq talaptar qatań saqtalǵan.
Ushyp kelgen jolaýshylarǵa barlyq qaýipsizdik sharalaryn saqtai otyryp, Alakól aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń qyzmetkerleri tarapynan teplovizormen dene qyzýlary ólshenip, anketa toltyrylyp otyrady.
Áýejaida betperde kiip júrý rejimi qatań saqtalǵan.
Búgingi kúnge Taldyqorǵan-Úsharal-Taldyqorǵan baǵytyndaǵy ushaqtar kúndelikti saǵat 10.00-11.00, 10.30-11.30 ýaqyttarynda qatynaidy. Bilet quny 8.000 teńge.
Al, Nur-Sultan - Úsharal- Nur-Sultan jáne Almaty-Úsharal-Almaty baǵyttaryndaǵy áýe reisteri aǵymdaǵy jyldyń 25 mamyrynan bastap ushady.
