Taldyqorǵan dárihanalarynda virýsqa qarsy dári-dármekter eki ese qymbat baǵaǵa satylǵany anyqtaldy, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, tekserý barysynda birneshe derek anyqtalyp, nátijesinde negizsiz baǵa ósirgen dárihanalar tiisti jaýapkershilikke tartyldy.
«Esterińizge salyp óteiin, qalada jumys isteitin barlyq dárihanalar tekserýden ótedi. Atap aitqanda, sońǵy shara kezinde dárihanalardyń birinde «Ingavirin-90» virýsqa qarsy dárini tiisti qujatsyz jáne eki ese qymbatqa satqany anyqtaldy», - dedi Taldyqorǵan qalalyq Politsiia basqarmasynyń bastyǵy Asqar Nursapa.
Onyfń aitýynsha, búgingi kúni joǵary suranysqa ie dári-dármekterdi turǵyndarǵa joǵary baǵada saýdalaǵan birneshe dárihana áshkerelendi.
«Bul jeke derekter emes ekenine senimim mol. Bizdiń basty mindetimiz - azamattarǵa meditsinalyq qyzmet kórsetetin adamdar men uiymdar tarapynan zańsyz is-áreketterdi boldyrmaý, olardyń jolyn kesý. Ókinishke orai, tájiribe kórsetkendei, mundai uiymdar, firmalar men jeke tulǵalar arasynda qazirgi qiyn jaǵdaidy paidalana otyryp, «qalta toltyrýdy» nemese biznes jasap qalýdy oilaityn adamgershiligi tómen jandar kezdesedi», - dedi Asqar Nursapa.
