Karantin erejesin saqtamaǵandarǵa ákimshilik jáne qylmystyq jaýapkershilikti qatańdatý máselesi qaralýda. Bul týraly Ortalyq kommýnikatsiialar qyzmetiniń alańynda ótken baspasóz maslihatynda aityldy, dep habarlaidy "Ult aqparat".
«Karantin erejesin saqtamaǵandarǵa ákimshilik jáne qylmystyq jaýapkershilikti qatańdatý týraly bastama qaralýda. Naqty qandai sanktsiialar bolady jáne ol qashan kúshine enetinin aita almaimyn. Jaqyn kúnderi bul týraly sheshim qabyldanady. Sanktsiialardy kúsheitý kerek ekenin, biraq dál qazirgi jaǵdaida sheshim qabyldaý tiimdi emetigin bárimiz túsinýimiz qajet», - deidi QR Ádilet ministri Marat Beketaev.
Sondai-aq, ol Almaty qalasynyń ishinde qozǵalysqa shekteý qoiylǵanyna qatysty aityp ótti.
«Qala ishindegi qozǵalysqa qatysty qosymsha shekteý týraly aitatyn bolsaq, Almatyda koronavirýs jaǵdailary anyqtalǵan turǵyn úilerdegi qozǵalys shektelgenin bilemiz. Syrtqa shyǵýǵa tyiym salynǵan turǵyn úilerden shyǵyp ketkender úshin qandai shara qoldanylatynyn qazir boljaý múmkin emes. Sebebi naqty qandai ereje buzýshylyq bolǵany anyqtalǵan kezde ǵana sanktsiia qabyldanady. Ereje buzýdyń saldary qandai bolǵanyna qarai ákimshilik aiyppuldan bastap, qylmystyq jaýapkershilikke tartylady. Bekitilgen erejelerge jaýapkershilikpen qaraýdy suraimyz. Sebebi dúkenge shyǵyp kelýińizdiń ózi ainaladaǵy adamdarǵa qaýip tóndirýi múmkin. Ol sizdiń qaýipsizdigińiz ǵana emes, ainalańyzdaǵy adamdardyń da qaýipsizdigine qatysty másele», - deidi ol.
