Talapker UBT-ǵa smartfon men modemdi kekske tyǵyp alyp ótpek bolǵan. Bul týraly Ulttyq testileý ortalyǵynyń direktory Rýslan Emelbaev Instagram paraqshasynda aitty, - dep habarlaidy Tengrinews.kz.
"Modem men uialy telefonnan jasalǵan tátti desert. Shyǵarmashyl test tapsyrýshylar tańǵaldyrýdan sharshamaidy. Myna fotoda tort ishine tyiym salynǵan zattardy jasyrǵan talapkerdiń shyǵarmashylyq jumysy kórsetilgen", - dep jazdy Emelbaev.
Onyń aitýynsha, talapkerdiń jospary "qyraǵy baqylaýshylardyń arqasynda" júzege aspaǵan. Ol UBT erejelerin buzǵany úshin 0 ball alǵan.
"Qurmetti test tapsyrýshylar! Smartfonǵa emes, tek óz bilimińizge senińizder", - dedi ortalyq basshysy.
