تالاپكەر ۇبت-عا سمارتفون مەن مودەمدٸ كەكسكە تىعىپ الىپ ٶتپەك بولعان. بۇل تۋرالى ۇلتتىق تەستٸلەۋ ورتالىعىنىڭ ديرەكتورى رۋسلان ەمەلباەۆ Instagram پاراقشاسىندا ايتتى, - دەپ حابارلايدى Tengrinews.kz.
"مودەم مەن ۇيالى تەلەفوننان جاسالعان تەتتٸ دەسەرت. شىعارماشىل تەست تاپسىرۋشىلار تاڭعالدىرۋدان شارشامايدى. مىنا فوتودا تورت ٸشٸنە تىيىم سالىنعان زاتتاردى جاسىرعان تالاپكەردٸڭ شىعارماشىلىق جۇمىسى كٶرسەتٸلگەن", - دەپ جازدى ەمەلباەۆ.
ونىڭ ايتۋىنشا, تالاپكەردٸڭ جوسپارى "قىراعى باقىلاۋشىلاردىڭ ارقاسىندا" جٷزەگە اسپاعان. ول ۇبت ەرەجەلەرٸن بۇزعانى ٷشٸن 0 بالل العان.
"قۇرمەتتٸ تەست تاپسىرۋشىلار! سمارتفونعا ەمەس, تەك ٶز بٸلٸمٸڭٸزگە سەنٸڭٸزدەر", - دەدٸ ورتالىق باسشىسى.
