Sanitarlyq talaptardyń saqtalmaýy qatań karantin rejimine qaita alyp kelýi múmkin. Bul týraly QR memlekettik bas sanitarlyq dárigeri Aijan Esmaǵambetova aitty, dep habarlaidy QazAqparat.
«Tótenshe jaǵdai rejiminiń alynyp tastalýy karantin sharalarynyń da alynǵandyǵyn bildirmeidi. Virýs eshqaida ketpegendigin jáne aramyzda taralyp júrgendigin túsinýimiz qajet. Barlyǵymyzdyń maqsatymyz - onyń odan ary taralýyna ári syrqattanýshylardyń artýyna jol bermeý. Buǵan qosa, árqaisymyzdyń, jaqyndarymyzdyń densaýlyǵyna jáne elimizdiń ekonomikasyna nuqsan keltirmei, karantin sharalaryn birtindep jeńildetý», - dedi bas sanitarlyq dáriger Ortalyq kommýnikatsiialar qyzmetindegi brifingte.
Onyń atap ótýinshe, barlyq nysandar qyzmetiniń qaita qalpyna keltirilýi men sanitarlyq talaptardyń saqtalýy qatar júrýi tiis.
«Talaptardyń saqtalmaýy bizdi qatań karantin rejimine qaita alyp kelýi múmkin. Buǵan qosa, karantinniń jeńildetilýi men kóptegen nysandar jumysynyń qaita jandanýy jaǵdaiynda biznes sýbektilerine úlken jaýapkershilik júkteledi. Olar óz qyzmetkerleri men klientteriniń qaýipsizdigin qamtamasyz etýi tiis», - dedi Aijan Esmaǵambetova.
