Foto: Freepik
Aqtóbede klient taksi júrgizýshisine aqshasyn bermei, kóligin aidap ketken, dep habarlaidy Diapazon.
43 jastaǵy turǵyn taksi shaqyryp, jolshybai uiyqtap jol aqysyn tóler kezde aqshasynyń joqtyǵyn aitqan.
Taksi júrgizýshisi ashýlanyp, klientti túsirmei úi jaǵyna bet alǵan.
Keiin jol boiynda kólikti toqtatyp, aqshasy bolmasa er adamnyń shyǵyp, jaiaý barýyn talap etken. Klient júrgizýshi judyryqpen uryp, ekeýi kólikten túsip janjaldasady.
Taksi júrgizýshisi artqa shegingende, klient onyń Mitsubishi Lancer kóliginiń tizginine otyryp ketip qalǵan.
"Taksi júrgizýshisi telefon soqqan soń politseiler kólik urlaýshyny toqtatýǵa árekettenedi. Alaida ol tártip saqshylaryn ielemei, aldynan basqa kólik shyqqanda ǵana tejegishti basqan", - delingen habarlamada.
Aqtóbe turǵynynyń ústinen kólikti urlap, kólikti mas kúiinde jáne júrgizýshi kýáliginsiz basqarǵany úshin qylmystyq is qozǵaldy.
Ol alty aiǵa bas bostandyǵynan jáne ómir boiyna kólik basqarý quqyǵynan aiyryldy.
