- Din isteri jáne azamattyq qoǵam ministrligi san alýan qaiyrymdylyq qorlary men til kýrstaryn jamylyp, dini qyzmet júrgizý áreketterin anyqtady. Tipti, taksister de ýaǵyz aitýdy shyǵardy. Ondai áreketter zańǵa qaishy, dep xabarlaidy "Ult aqparat".
«Mysaly, ondai jaǵdailar taksilerde jiilenip ketti. Keibir taksister ýaqytty paidalanyp, dini ýaǵyz-nasixat áńgimelerin aitady eken. Ol - zańǵa qaishy áreket. Sondyqtan bundai faktiler bolsa, quqyq qorǵaý organdaryna nemese bizge xabarlasýǵa bolady», - deidi Din isteri jónindegi komitettiń basshysy Baqytjan Kúlekeev búgin Astanada ótken baspasóz máslixatynda.
Onyń aitýynsha, búginde qaiyrymdylyq uiymdary men til kýrstaryn ótkizemiz dep, dini qyzmetpen ainalysatyndar da bar. Tirkeýden ótpegen ondai uiymdardyń qyzmeti de zańsyz bolyp sanalady.
Aita keteiik, «Dini qyzmet jáni dini birlestikter týraly» zańdy túsindirýge arnalǵan búgingi baspasóz máslixatynda Berik Aryn destrýktivti aǵym ókilderiniń imamdarmen daýlasyp, meshitke kelýshilerdi qorqytyp jatqanyn jetkizdi. Osy oraida ol dereý politsiiaǵa xabarlasýǵa keńes berdi. Sebebi ondai áreketter zańmen qýdalanady.
Vitse-ministr «Memlekettik qyzmetshilerge juma namazyna barýǵa ruqsat bar ma?» degen suraqqa jaýap berdi.
Sondai-aq ol namazxanalardyń jabylý sebebin túsindirip berdi.
