Pavlodarda taksi júrgizýshisi men politseiler zeinetkerdiń alaiaqtarǵa berip qoiǵan 5 mln 970 myń teńgesin tolyq qaitarýǵa kómektesti, dep habarlaidy ult.kz.
Polisia.kz málimetinshe, oqiǵa kólik jýý oryndarynyń birinde bolǵan. Taksi júrgizýshisi Almatyǵa sómke jetkizýi kerek bolǵan. Jolǵa shyǵar aldynda sómkeden jarmanyń tógilip jatqanyn baiqap, ishin teksergen. Sómkeden qomaqty aqsha tabylǵan soń, ol birden politsiiaǵa habarlasqan.
Politseiler aqshanyń iesin anyqtap, onymen bailanysqa shyqqan. Zeinetker telefon alaiaqtarynyń qurbany bolǵany belgili boldy.
Alaiaqtar aldymen ózderin energiiamen jabdyqtaýshy uiymnyń qyzmetkerleri retinde tanystyryp, elektr eseptegishti aýystyrý úshin SMS-kodty aitqyzǵan. Keiin «elektrondyq úkimet» qyzmetkerleri retinde habarlasyp, onyń atyna nesie rásimdelgenin aitqan. Nesieni «jabý» úshin áielden 5 mln 970 myń teńge qolma-qol aqsha talap etken.
Aqshany kýrer alyp, taksi júrgizýshisine bergen. Onyń qyraǵylyǵy men politsiia qyzmetkerleriniń jedel áreketiniń arqasynda qarajat tolyq kólemde iesine qaitaryldy.
Politsiia beitanys adamdarǵa SMS-kodtar men basqa da qupiia derekterdi bermeýge shaqyrady. Kúdikti qońyraý túsken jaǵdaida áńgimeni toqtatyp, uiymnyń resmi nómirine ózińiz habarlasý qajet.
