Almatyda Tailandtan asa iri kólemdegi esirtkini Qazaqstanǵa zańsyz jetkizbek bolǵan 22 jastaǵy Qazaqstan azamatshasy 16 jylǵa bas bostandyǵynan aiyryldy, dep habarlaidy ult.kz.
Almaty qalasynyń qylmystyq ister jónindegi mamandandyrylǵan aýdanaralyq soty ony asa iri mólsherdegi esirtki zattarynyń kontrabandasy jáne zańsyz ainalymy boiynsha kináli dep tanydy.
Tergeý materialdaryna sáikes, boijetken aqshalai syiaqy úshin jalpy salmaǵy 8,8 keli kannabis syǵyndysy salynǵan eki chemodandy Tailandtan Qazaqstanǵa jetkizýge kelisken. Alaida kontrabandalyq júk Almaty halyqaralyq áýejaiyna kelgen sátte-aq tárkilenip, kúdikti ustaldy.
Prokýratýra áleýmettik jelilerde taralatyn «ońai tabys» pen tegin shetelge saiahat týraly usynystardyń kóbine halyqaralyq esirtki tasymaly shemalarynyń bir bóligi ekenin eskertti. Vedomstvo mundai qylmystarǵa kez kelgen deńgeide qatysý qatań qylmystyq jaýapkershilikke ákeletinin atap ótti.
Sot úkimi zańdy kúshine endi.
Eske salaiyq, buǵan deiin elorda turǵyny da esirtki kontrabandasy úshin 16 jylǵa bas bostandyǵynan aiyrylǵan bolatyn.
