Foto: elements.envato.com
Syrtqy ister ministrligi Tailandta taǵy bir qazaqstandyq qaitys bolǵany týraly aqparatty rastady, - dep habarlaidy Tengritravel.kz.
SIM baspasóz hatshysy Aibek Smadiiarov Phýkette kóz jumǵan qazaqstandyq Artýr Iskakovtyń qazasyna qatysty pikir bildirip, bul keiingi aptadaǵy jalǵyz oqiǵa emes ekenin aitty.
"3 maýsymda sol jaǵalaýda taǵy bir azamatymyz qaza boldy. Ol da barlyq tyiymǵa qaramastan sýǵa túsip, tolqynǵa aǵyp ketken. Qazir konsýl týystaryna qajetti qujattardy rásimdeýge kómektesip jatyr jáne jaqyn arada olardyń denesi Qazaqstanǵa jetkiziledi", - dedi Smadiiarov.
Syrtqy ister ministrligi málimetinshe, jaqyn kúnderi birinshi qazaqstandyqtyń denesi týystarynyń esebinen jetkiziledi. Ekinshi otandasymyzdyń máiitin tasymaldaý saqtandyrý esebinen qamtylady.
Aita keteiik, buǵan deiin Tailandqa demalysqa barǵan 24 jastaǵy qazaqstandyq Artýr Iskakov qaitys bolǵany belgili bolǵan edi.
