Tailandtyń Chiangrai provintsiiasynda burshaq aralasqan otyz minýttyq qatty daýyl turyp, provintsiianyń úsh aýdanyndaǵy elektr jaryǵyn úzip, turǵyn úilerge úlken zalal keltirdi, dep habarlaidy "Ult aqparat" Thai PBS telearnasyna silteme jasap.
Jel elektr jelisi baǵanalaryn buzyp, birneshe úlken aǵashty qulatty, olar avtojoldardy jaýyp qaldy. Elektr jaryǵyn qalpyna keltirýge bes saǵat ketti.
Burshaq ondaǵan jeke úi men qora-qopsynyń shatyryn tesken. Daýyl kezinde eshkim zardap shekken joq. Qazirgi ýaqytta zalal shyǵyny eseptelip jatyr, dep habarlady telearna.
Tailand sinoptikteri jaqyn kúnderi eldiń soltústiginde qysqa merzimdi boran men burshaq qaitalanýy múmkin deidi
