تايلاندتىڭ چيانگراي پروۆينتسيياسىندا بۇرشاق ارالاسقان وتىز مينۋتتىق قاتتى داۋىل تۇرىپ, پروۆينتسييانىڭ ٷش اۋدانىنداعى ەلەكتر جارىعىن ٷزٸپ, تۇرعىن ٷيلەرگە ٷلكەن زالال كەلتٸردٸ, دەپ حابارلايدى "ۇلت اقپارات" Thai PBS تەلەارناسىنا سٸلتەمە جاساپ.
جەل ەلەكتر جەلٸسٸ باعانالارىن بۇزىپ, بٸرنەشە ٷلكەن اعاشتى قۇلاتتى, ولار اۆتوجولداردى جاۋىپ قالدى. ەلەكتر جارىعىن قالپىنا كەلتٸرۋگە بەس ساعات كەتتٸ.
بۇرشاق ونداعان جەكە ٷي مەن قورا-قوپسىنىڭ شاتىرىن تەسكەن. داۋىل كەزٸندە ەشكٸم زارداپ شەككەن جوق. قازٸرگٸ ۋاقىتتا زالال شىعىنى ەسەپتەلٸپ جاتىر, دەپ حابارلادى تەلەارنا.
تايلاند سينوپتيكتەرٸ جاقىن كٷندەرٸ ەلدٸڭ سولتٷستٸگٸندە قىسقا مەرزٸمدٸ بوران مەن بۇرشاق قايتالانۋى مٷمكٸن دەيدٸ
