Tailand koronavirýstyń taralýyn toqtatý úshin 26 naýryzdan bastap elge kirip-shyǵýdy tolyq toqtatady. Beisenbiden bastap áýejai, teńiz jáne shekaradaǵy beketter jabylady. Tótenshe jaǵdai jónindegi memlekettik komitettiń koronavirýsqa bailanysty erekshe buiryǵy qabyldanǵanǵa deiin shekteýler kúshinde bolady.
Tótenshe jaǵdai rejimi 30 sáýirge deiin sozylady. Osy ýaqyt aralyǵynda stadiondar, saýda nysandary, oiyn-saýyq ortalyqtary, kinoteatrlar, bar, meiramhana, jaǵajailar jumysyn toqtatady. Azyq-túlik dúkenderi ǵana isteidi.
26 naýryzdan bastap premer-ministr nemese arnaiy quzyrly organnyń ruqsatyn alǵan adamdar ǵana elge kire alady. Diplomattar men olardyń otbasy músheleri, halyqaralyq uiym qyzmetkerleri, áýe jáne keme ekipajynyń múshelerine ǵana elden shyǵýǵa ruqsat. Buǵan qosa, Tailandqa shuǵyl júk jetkizgen jumysshylar, halyqaralyq kelisimge sáikes belgili bir tapsyrmany oryndaýmen ainalysqan syrtqy ister ministrliginiń haty bar qyzmetkerler elden shyǵa alady.
Sońǵy derek boiynsha, Tailandta 934 adamǵa koronavirýs juqqan. Tórt naýqas qaitys boldy. 70 adam aiyqty.
