Almaty ákimi Baqytjan Saǵyntaev evrei qaýymy jinalǵan Rixos qonaq úiine áli kúnge deiin aiyppul salynbaǵany úshin sanitarlyq-epidemiologiialyq baqylaý departamentiniń basshysy Jandarbek Bekshinge shúilikti. Qala basshysy bul máseleni jaqyn arada sheshýdi tapsyrdy, dep jazady Sputnik Qazaqstan.
"Almaty" telearnasyndaǵy "Akimat Live" baǵdarlamasynyń efirinde jýrnalister Saǵyntaevtan qonaq úige karantin rejimin buzǵany úshin nege áli aiyppul salynbaǵanyn surady. Almaty ákimi bul suraqty Bekshinge qoidy.
"Biz Ortalyq sinagogaǵa hattama toltyrdyq. Biraq aýdandyq ákimdikten monitoringtik toptyń materialdaryn kútip otyrmyz. Algoritm boiynsha olar zańbuzýshylyqty rastaityn búkil raportty usynýy kerek. Rastaityn qujattardy alǵannan keiin biz uiymdastyrýshylarǵa aiyppul salamyz", - dep jaýap berdi Almatynyń bas sanitar dárigeri.
Ol algoritm boiynsha ákimshilikten qujattar qajet ekenin naqtylady.
"Jandarbek Muhtaruly, rastaityn qujattar men sýretter BAQ-ta jariialandy. Sizge taǵy ne kerek? Bári ap-aiqyn. Sondyqtan sheshim qabyldaý kerek", - dep tapsyrdy Saǵyntaev.
Bekshin qala ákimin aýdandyq ákimdikpen jumys istep jatqanyna sendirdi.
"Kim ol jaqta jaýapty, sizge usynsyn. Taǵy neni dáleldeý kerek? Bári biledi", - dep ashýlandy Saǵyntaev.
Sanitar dáriger tapsyrmany oryndaitynyn aitty.
Eske salsaq, Almatyda shilde aiynda evrei qaýymy karantindik shekteýler kezinde Rixos Almaty qonaq úiiniń mańynda jappai fotosessiia jasady. Uiymdastyrýshylarǵa 90 myń teńge aiyppul salyndy.
Sol kezde Bekshinniń orynbasary Ásel Qalyqova qonaq úi basshylyǵynyń adamdardyń jinalýyna esh qatysy joq ekenin, sol sebepti olar aiyppul arqalamaitynyn málimdegen edi. Aitýynsha, Rixos qonaq úii shekteý sharalaryn buzbaǵan. Sebebi jinalǵandar ǵimarat ishine kirmegen, tek syrtynda fotoǵa túsken. Qonaq úi basshylyǵy bul sharadan habary bolmaǵanyn jetkizgen.
Keiin bul oqiǵaǵa Jandarbek Bekshin túsinikteme berdi. Ol ákimdiktiń monitoringtik tobynan materialdar túspegendikten, Rixos-ty jaýapkershilikke tarta almaitynyn aitty.
